وزیراعظم عمران خان کے معاونِ خصوصی برائے سیاسی روابط شہباز گل نے پریس کانفرنس کے دوران کہا کہ عدالتی فیصلے پر ن لیگ کے ترجمانوں نے جھوٹ بولا، ایسا ظاہر کیا جا رہا ہے کہ شہباز شریف کے ساتھ بہت ظلم ہوا۔
پریس کانفرنس میں شہبازگل نے کہا مریم اورنگزیب نے لاہور ہائی کورٹ کے فیصلے پر تشویش کا اظہار کیا، اتنی تو زندگی بھی نہیں جتنا شہباز شریف نے پیسہ بنایا۔
ڈاکٹر شہباز گل نے کہا کہ شہبازشریف کے پاس ایم بی بی ایس یعنی میاں، بیوی، بچوں سمیت کی ڈگری ہے، شہباز شریف کو ضمانت نہ ملنے پر اب یہ لوگ رو رہے ہیں۔
شہبازگل نے مزید کہا کہ ٹی ٹیز اباجی کے نہیں، بیٹے کے اکاؤنٹ میں آتی تھی، حمزہ کو ضمانت ملنے کے بعد شہبازشریف کی ضمانت کے لئے موقف تبدیل کیا گیا۔ معاون خصوصی نے کہا کہ پی ٹی آئی عدلیہ کے فیصلوں کااحترام کرتی ہے۔