کراچی ( پبلک نیوز) صدر مملکت ڈاکٹر عارف علوی نے کورنگی میں پناہ گاہ کا دورہ کیا۔ صدر مملکت نے پناہ گاہ پر عوامی خدمت کے انتظامات کا جائزہ لیا اور مزدوروں سے ملاقات کی۔
صدر مملکت نے پناہ گاہ میں مکین لوگوں کے ساتھ کھانا کھایا اور ان سے انتظامات کے بارے پوچھا۔ پناہ گاہ کے مکینوں نے انتظامات پر اطمینان کا اظہار کیا اور حکومت کے عوامی فلاحی اقدام کو سراہا۔
صدر مملکت کا کہنا تھا کہ پاکستان کو ریاستِ مدینہ جیسی فلاحی ریاست بنانے کیلئے غریب نواز پالیسی اپنانے کی ضرورت ہے۔ غریب اور نادار افراد کی مدد کے لئے بیت المال مزید اقدامات کرے۔