متنازع ٹویٹ کیس، اعظم سواتی کے قابل ضمانت وارنٹ گرفتاری جاری

اسلام آباد کی عدالت نے متنازع ٹویٹ کیس میں پی ٹی آئی رہنما اعظم سواتی کے قابل ضمانت وارنٹ گرفتاری جاری کر دیئے ۔ تفصیلات کے مطابق اسلام آباد کی مقامی عدالت میں رہنما تحریک انصاف اعظم سواتی کے خلاف متنازع ٹویٹ کے کیس کی سماعت ہوئی ۔ اعظم سواتی کے وکیل کی جانب سے آج حاضری سے استثنا کی درخواست دائر کی گئی ، جسے عدالت نے مسترد کرتے ہوئے اعظم سواتی کے قابل ضمانت وارنٹ گرفتاری جاری کردیئے ۔ عدالت نے اعظم سواتی کو پچاس ہزارروپے کے ضمانتی مچلکے جمع کروانے کا حکم دیتے ہوئے فرد جرم عائد کرنے کے لئے 30 مئی کو طلب کرلیا ہے ۔