پاکستان ڈے کے موقع پر ایٹمی توانائی کمیشن کی طرف سے قوم کو تحفہ دیا گیا ہے۔ اچھی خبر یہ ہے کہ 1100 میگا واٹ ایٹمی پاور پلانٹ کا نیشنل گرڈ سے الحاق ہو گیا ہے۔
تفصیلات کے مطابق K-2 نیوکلیئر پاور پلانٹ کا نیشنل گرڈ سے الحاق ہوگیا ہے جس کے بعد قومی گرڈ کو 1100 میگا واٹ کی ماحول دوست، با کفایت اور قابل بھروسہ بجلى دستیاب ہو گی۔ رواں سال فروری میں پاور پلانٹ پر حفاظتى ٹیسٹنگ اور جانچ پڑتال کے ایک نئے مرحلے کا آغاز کیا گیا تھا۔ پاکستان نئیوکلئر ریگولیٹری اتھارٹی سے اجازت کے بعد پاور پلانٹ میں ایٹمی ایندھن لوڈ کیا گیا۔
یاد رہے کہ کے ٹو پاور پلانٹ پاکستان کا سب سے بڑا ایٹمی بجلی گھر ہے۔ پاکستان ایٹمی توانائی کمیشن کے زیر انتظام پانچ ایٹمی بجلى گھر کام کر رہے ہیں۔ کے ٹو پاور پلانٹ مئی میں کمرشل آپریشن کا آغاز کرے گا۔ کے تھری پاور پلانٹ 2021 کے آخر میں نیشنل گرڈ سے منسلک کیا جائے گا۔