کراچی کو پانی فراہم کرنیوالی 72 انچ قطر کی لائن پھٹ گئی

کراچی (پبلک نیوز) شہر قائد کو پانی فراہم کرنے والی 72 انچ قطر کی لائن پھٹ گئی۔ چیف انجینئر واٹر بورڈ ظفر پلیجو کا کہنا ہے کہ دھابیجی میں کراچی کو پانی فراہم کرنے والی لائن نمبر 5 بریک ڈاؤن کے باعث پھٹی ہے۔ جمعہ کو کے الیکٹرک کی جانب سے بجلی کا بریک ڈاون ہوا۔ بریک ڈاؤن کے سبب 72 انچ قطر کی پائپ لائن پھٹ گئی۔ انھوں نے اس حوالے سے مزید کہا کہ متاثرہ لائن کی مرمت کا کام جاری ہے۔ آج رات تک متاثرہ لائن کی مرمت مکمل کرلی جائے گی۔ لائن نمبر 5 سے پانی کی سپلائی معطل ہونے کے بعد متبادل لائنوں سے پانی فراہم کیا جارہا ہے۔