پیپلز پارٹی ،مسلم لیگ ن کا کسی سیاستدان کو ہی نگران وزیراعظم لانے کا فیصلہ

اسلام آباد: سیاسی جماعتوں نے کسی سیاستدان کو ہی نگران وزیراعظم بنانے کا فیصلہ کیا ہے۔ ذرائع کے مطابق کوئی جج،ریٹائرڈ بیوروکریٹ،ٹینکو کریٹ کو وزیراعظم نہ بنانے کا فیصلہ کیا گیا ہے۔ بزرگ سیاستدان افراسیاب خٹک اکثر سیاسی جماعتوں کا قابل قبول ہیں۔ ذرائع کا کہنا ہے کہ نگران وزیراعظم کی دوڑ میں سینیٹر مشاہد حسین سید اور سلیم مانڈوی والا کا نام بھی زیر غور ہے، مشاہد حسین سید اور سلیم مانڈوی والا دونوں رکن سینیٹ ہیں، نگران وزیراعظم بننے کی صورت میں سینیٹ کی نشست چھوڑنی پڑے گی۔دو سال تک کسی بھی انتخاب نہ لڑنے کی شرط بھی رکن سینیٹ پر لاگو ہوگی۔