غیرجمہوری سیٹ اپ کوقبول نہیں کریں گے، چیف جسٹس

لاہور (بلک نیوز) چیف جسٹس آف پاکستان جسٹس گلزاراحمد نے دوٹوک الفاظ میں کہا ہے کہ کسی میں جرات نہیں کہ مجھے مرضی کا فیصلہ لکھنے کو کہے، کبھی اداروں کے دباؤ میں آکر فیصلے نہیں کئے۔ ان کا کہنا تھا کہ کسی نے ڈکٹیٹ کیا اور نہ ہی کبھی کسی سے ڈکٹیشن لی، ہمیشہ فیصلے انصاف اورضمیر کے مطابق کئے۔ پاکستان میں قانون کی حکمرانی ہے انسانوں کی نہیں، کسی بھی غیر جمہوری سیٹ اپ کوقبو ل نہیں کریں گے۔ چیف جسٹس نے کہا کہ قانون کے مطابق فیصلے کرنا میرا اور دیگرججز کا کام ہے، عوام کو انصاف فراہم کر رہی ہے، ہم ایک حلف کے پابند ہیں۔