پتوکی (پبلک نیوز) نجی فیکٹری میں کرنٹ لگنے سے 2 مزدور موقع پر جاں بحق جبکہ 3 شدید زخمی۔
تفصیلات کے مطابق زخمیوں اور ڈیڈ باڈیز کو پاک ریڈ کریسنٹ ہسپتال منتقل کردیا۔ حادثے کے بعد تمام ورکرز کا فیکٹری کے گیٹ کے باہر شدید احتجاج کیا۔ جاں بحق ہونے والے 2 مزدورں کی شناخت شہباز اور اللہ دتہ کے نام سے ہوئی۔ جبکہ زخمیوں کی شناخت مدثر، ریاض اور ساجد کے نام سے ہوئی۔
حادثے کی اطلاع ملتے ہی مقامی پولیس نے موقع پر پہنچ کاروائی کا آغاز کر دیا۔ ریسکیو ٹیمیں نے تمام زخمیوں اور ڈیڈ باڈیز کو ہسپتال منتقل کردیا۔ زخمیوں اور جاں بحق ہونے والوں کے لواحقین نے فیکٹری مالکان کے خلاف کارروائی کا مطالبہ کردیا۔