سابق سینیٹر انور بیگ انتقال کر گئے

اسلام آباد: سابق سینیٹر انور بیگ اسلام آباد میں انتقال کر گئے۔ انور بیگ کی نمازِ جنازہ کل بعد نمازِ ظہر ادا کی جائے گی اور تدفین ایچ 8 قبرستان میں ہوگی۔ خیال رہے کہ انوربیگ پاکستان پیپلز پارٹی اور مسلم لیگ ن کا حصہ بھی رہے، اس کے علاوہ پاکستان پیپلز پارٹی کے سابق دور حکومت میں وہ بینظیر انکم سپورٹ پروگرام کے چیئرمین بھی رہے ہیں ۔ سابق سینیٹر انور بیگ کے انتقال پر مختلف سیاسی و سماجی شخصیات نے افسوس کا اظہار کیا ہے۔