شہباز گل کے علاج کیلئے قائم نئے میڈیکل بورڈ میں پھر تبدیلی

اسلام آباد: پاکستان تحریک انصاف کے رہنما شہباز گل کے علاج کیلئے قائم نئے میڈیکل بورڈ میں پھر تبدیلی کردی گئی ہے۔ ذرائع کے مطابق پمز کے جنرل سرجن ڈاکٹر طارق عبداللہ کو میڈیکل بورڈ میں شامل کر لیا گیا۔ ڈاکٹر عاطف انعام شامی کلینکل مصروفیات کے باعث بورڈ سے الگ ہوگئے ہیں۔ یاد رہے کہ شہباز گل کے علاج کے لیے 4 رکنی میڈیکل بورڈ گزشتہ روز قائم کیا گیا تھا۔ چار رکنی بورڈ شہباز گل کی صحت سے متعلق رپورٹ تیار کرے گا۔ میڈیکل بورڈ شہباز گل کے علاج اور اسپتال سے چھٹی کے حوالے سے سفارشات دے گا اور رپورٹ عدالت میں پیش کی جائے گی۔