توشہ خانہ کیس: نیب نے عمران خان کو 9 مارچ کو طلب کرلیا

اسلام آباد: نیب نے سابق وزیر اعظم عمران خان نیازی کو 9 مارچ کو طلب کر لیا ہے۔ نیب راولپنڈی کی جانب سے چیئرمین پاکستان تحریک انصاف (پی ٹی آئی ) عمران خان کو نوٹس جاری کیا گیا ہے۔نوٹس کے مطابق نیب نے عمران خان کو 9 مارچ کو طلب کیا ہے۔ سابق وزیر اعظم عمران خان پر اختیارات کا غلط استعمال اور توشہ خانہ کے تحائف بیچنے کا الزام ہے۔ نیب کی جانب سے عمران خان کو ریکارڈ ساتھ لانے کی ہدایت کی گئی ہے۔ خیال رہے کہ نیب نے 8 نومبر 2022 کو عمران خان کے خلاف توشہ خانہ کیس میں تحقیقات شروع کیں تھیں۔