پبلک نیوز: (محمد شکیل خان) بنگلہ دیش اے ٹیم اگست میں پاکستان کا دورہ کرے گی۔
تفصیلات کے مطابق دورے کے دوران بنگلہ دیش اے ٹیم دو چار روزہ اور تین ون ڈے میچز کی سیریز کھیلے گی۔ اگست کے مہینے میں ہی بنگلہ دیش کی سینیئر مینز ٹیم نے دو ٹیسٹ میچز کی سیریز کے لئے پاکستان کا دورہ بھی کرنا ہے۔
دوٹیسٹ میچز ورلڈ ٹیسٹ چیمپئین شپ کا حصہ ہیں۔ دو ٹیسٹ میچز کی سیریز کے شیڈول کا اعلان تاحال نہیں کیا گیا ہے۔
ذرائع کا کہنا ہے کہ ٹیسٹ میچز ملتان اور راولپنڈی میں کرانے کی تجویز ہے۔