عوام سے معاشی بوجھ بانٹنا کفایت شعاری اقدامات کی مثال ہے ، شہباز شریف

اسلام آباد: وزیراعظم میاں محمدشہباز شریف کا کہنا ہے کہ معاشی مشکلات میں عوام سے یکجہتی اور معاشی بوجھ بانٹنا کفایت شعاری اقدامات کی مثال ہیں ۔ سماجی رابطے کی ویب سائٹ ٹوئٹر پر اپنے جاری بیان میں وزیراعظم شہباز شریف نے لکھا ہے کہ ہم خود سے کفایت شعاری کی مثال قائم کر رہے ہیں ، اجتماعی کوششوں سے ہی ملک کو موجودہ چیلنجز سے نکالا جا سکتا ہے ، کفایت شعاری کابینہ کے رضا کارانہ طور پر تنخواہیں، مراعات نہ لینے سے شروع ہوتی ہے ۔ شہباز شریف نے مزید کہا کہ کابینہ ارکان کے اس اقدام سے سالانہ 200 ارب کی بچت ہوگی ، اتحادیوں کی جانب سے حمایت پر شکر گزار ہیں ، عملدر آمد کی خود نگرانی کروں گا ۔