فواد چودھری: اب اسحاق ڈار کو بری کئے جانے کی تیاری کی جا رہی ہے

پی ٹی آئی کے سینیئر رہنما فواد چوہدری کا کہنا ہے کہ اب اسحاق ڈار کو بری کیے جانے کی تیاری ہے۔ تفصیلات کے مطابق پاکستان تحریک انصاف کے رہنما فواد چوہدری نے سماجی رابطوں کی ویب سائٹ ٹوئٹر پر اپنے جاری کردہ ٹوئٹ پیغام میں لکھا کہ اب اسحاق ڈار کو بری کئے جانے کی تیاری ہے۔ حیران ہوں عدالتیں یہ تماشہ دیکھ رہی ہیں کہ کس طرح ملزم اور نیب مل کر پاکستان کا پیسہ ٹھکانے لگا رہے ہیں۔ جاری کردہ ٹوئٹ میں فواد چوہدری مزید لکھتے ہیں کہ یہ تماشہ ریجیم چینج کا سب سے بڑا مقصد تھا، بدقسمتی ہے کہ این آر او 2 پر عملدرآمد ہو رہا ہے۔ سوائے عمران خان کے سب خاموش ہیں۔