کولمبو(پبلک نیوز) وزیراعظم عمران خان نے دورہ سری لنکا کے دوسرے روز سری لنکن صدرسے ملاقات کی۔ دونوں رہنماوں کی ملاقات میں دوطرفہ تعلقات اور خطے کی صورتحال پر تبادلہ خیال کیا گیا۔
وزیراعظم تجارت اور سرمایہ کاری کانفرنس سے خطاب بھی کریں گے۔
اہم دورے کے دوران دہشت گردی کے عفریت سے نمٹنے کے لئے سری لنکا کو دفاع اور سکیورٹی کے شعبوں میں15 ملین ڈالرز کی کریڈٹ لائن کی پیشکش کی گئی ہے۔
وزیرخارجہ شاہ محمود قریشی کا کہنا ہے کہ دونوں ممالک اہم علاقائی اور عالمی امور پر یکساں موقف رکھتے ہیں۔ مستقبل میں روابط کو مزید فروغ دیا جائے گا۔