قومی ٹیم کے بیٹر محمد رضوان کی مسجد الحرام میں صفائی کرنے کی ویڈیو وائرل

مکہ مکرمہ: قومی کرکٹر محمد رضوان کی مسجد الحرام کے صحن میں صفائی کرنے کی ویڈیو سوشل میڈیا پر وائرل ہوگئی۔ تفصیلات کے مطابق قومی کرکٹرز کی بڑی تعداد حج کی ادائیگی کے لئے سعودی عرب میں موجود ہے جن میں کپتان بابر اعظم، فخر زمان اور محمد رضوان سمیت دیگر شامل ہیں۔ محمد رضوان کی سوشل میڈیا پر ایک ویڈیو تیزی سے وائرل ہو رہی ہے جس میں وہ مسجد الحرام کے صحن میں صفائی کرتے نظر آرہے ہیں، قومی کرکٹر کی صفائی کرنے کی ویڈیو کو سوشل میڈیا صارفین کی جانب سے بے حد سراہا جا رہا ہے۔ واضح رہے کہ گذشتہ دنوں محمد رضوان کی امریکا میں سڑک پر نماز پڑھنے اور اذان دینے کی ویڈیو بھی وائرل ہوئی تھی۔