( پبلک نیوز) محمد شکیل خان: قومی ٹیم کے کپتان بابر اعظم نے اینکر مبشر لقمان سے 14 دنوں کے اندر اندر معافی کا مطالبہ کر دیا۔
ذرائع کے مطابق پاکستان وائٹ بال کرکٹ ٹیم کے کپتان بابر اعظم نے اینکر مبشر لقمان کو لیگل نوٹس بھجوا دیا۔ لیگل نوٹس میں بابر اعظم نے صحافی مبشر لقمان کو ایک ارب روپے ہرجانے کا دعوی دائر کر دیا ۔
نوٹس میں کہا گیا ہے کہ صحافی مبشر لقمان لگائے گئے الزمات پر 14 دنوں کے اندر اندر معافی مانگے۔
واضح رہے کہ منشر لقمان نے بابر اعظم پر مہنگے گفٹ کے بدلے میچز کے نتائج بدلنے کا الزام عائد کیا تھا۔ذرائع کا مزید کہنا ہے کہ بابر اعظم نے اپنے وکیل کے ساتھ مشورے کے بعد مبشر لقمان کو لیگل نوٹس بھیجا ہے۔ نوٹس کے مطن کے مطابق جس طرح اپنے یوٹیوب چینل پر ہتک آمیز بیانات جاری کیے تھے، اسی مطابق 14 دن کے اندر معافی مانگیں،
نوٹس میں کہا گیا ہے کہ معافی نہ مانگنے کی صورت میں قانونی کارروائی کی جائے گی، ہتک عزت آرڈیننس 2002 کے تحت 1 ارب روپے کے ہرجانہ بھی ادا کرنا پڑے گا۔