اسلام آباد (پبلک نیوز) چئیرمین سینٹ الیکشن کیخلاف یوسف رضا گیلانی کی درخواست ناقابل سماعت قرار، چیف جسٹس اسلام آباد ہائیکورٹ نے فیصلہ جاری کر دیا۔
تفصیلات کے مطابق اسلام آباد ہائیکورٹ میں چئیرمین سینٹ الیکشن کے حوالے سے سابق وزیر اعظم اور الیکشن کے امیدوار سینیٹر یوسف رضا گیلانی نے درخواست دائر کی جس پر آج عدالت میں سماعت کی گئی۔
سماعت کے بعد عدالت نے یوسف رضا گیلانی کی درخواست مسترد کر دی۔ چیف جسٹس اسلام آباد ہائیکورٹ نے فیصلہ جاری کر دیا۔ فیصلہ کے مطابق چئیرمین سینٹ الیکشن کے خلاف یوسف رضا گیلانی کی درخواست ناقابل سماعت قرار دی گئی۔
فیصلہ میں کہا گیا ہے کہ عدالت توقع رکھتی ہے کہ پارلیمنٹ کی بالادستی کو یقینی بنایا جائے گا۔ عدالت یہ بھی توقع رکھتی ہے کہ پارلیمنٹ کے مسائل پارلیمانی فورم پر ہی حل کیے جائیں گے۔