(شکیل خٹک)پاکستان فٹبال فیڈریشن نے فرنچائز پاکستان فٹبال لیگ کو غیر آئینی قرار دیدیا۔
پی ایف ایف کے مطابق فیڈریشن نے آئندہ ماہ شیڈول ایونٹ کی منظوری نہیں دی، فیفا اور اے ایف سی کے بینر تلے فٹبال معاملات چلانے کا واحد ذمہ دار ادارہ ہیں، حکومت بھی صرف عالمی باڈیز کے تحت کام کرنے والی فیڈریشنز کو ہی اسپورٹ کرتی ہے۔
پی ایف ایف کی منظوری کے بغیر کسی ایونٹ کا انعقاد آرٹیکل82کی خلاف ورزی ہے، ذمہ داروں کو انضباطی کارروائی کا سامنا کرنا پڑے گا، فٹبال کے فروغ میں حقیقی کردار ادا کرنے والے ہر منصوبے کی حوصلہ افزائی ہوگی۔