سندھ بھر میں مزید دو روز تک تعلیمی ادارے بند رہیں گے

کراچی :وزیر تعلیم سندھ سردار شاہ کا کہنا ہے کہ کراچی سمیت سندھ بھر میں مزید دو روز تک تعلیمی ادارے بند رہیں گے۔ تفصیلات کے مطابق محکمہ تعلیم سندھ نے فیصلہ کیا ہے کہ سرکاری و نجی اسکولز کالجز آئندہ دو روز جمعہ اور ہفتہ بند رہیں گے۔اس حوالے سے وزیر تعلیم سردار شاہ نے کہا ہے کہ کراچی سمیت سندھ بھر میں مزید دو روز تک تعلیمی ادارے بند رہیں گے۔ وزیر تعلیم سردار شاہ کو بریفنگ دی گئی کہ سندھ کے کئی اضلاع میں اب بھی سیلابی صورتحال ہے اورسندھ کے بیشتر اسکولز اور کالجز زیر آب ہیں اور متاثرین کے رلیف کیمپس میں تبدیل ہو گئے ہیں۔ سردار شاہ کا کہنا تھا کہ تعلیمی اداروں میں بندش کے فیصلے کا اطلاق صوبے بھر کے اسکولز اور کالجز میں ہوگا۔