اسلام آباد(پبلک نیوز) نیشنل کمانڈ اینڈ آپریشن سینٹر نے ملک بھر میں 15 مارچ سے کورونا ایس او پیز میں نرمی کا اعلان کر دیا ہے۔
اسلام آباد میں نیشنل کمانڈ اینڈ آپریشن سینٹر ( این سی او سی) کا اجلاس ہوا جس میں متعدد اہم فیصلے کیے گئے۔ نیشنل کمانڈ اینڈ آپریشن سینٹر نے مزارات، شادی ہالز اور سنیما گھر کھولنے کا فیصلہ کیا ہے جبکہ دفاتر میں 50 فیصد حاضری کی پابندی ختم کر دی۔
نیشنل کمانڈ اینڈ آپریشن سینٹر کے مطابق تجارتی مراکز اور پارکس میں اوقات کار کی پابندی کی شرط کو بھی ختم کیا جا رہا ہے۔ اس کے علاوہ پی ایس ایل میچز میں شائقین کی تعداد 20 سے50 فیصد کی جائے گی۔
این سی او سی نے تجویز دی ہے کہ الیکشن کمیشن بلدیاتی انتخابات اور کینٹ بورڈ الیکشنز مئی کے آخر تک کروائے۔