لاہور(پبلک نیوز) حکومت کے خلاف اپوزیشن کی سیاسی سرگرمیوں میں تیزی آ گئی ہے۔ جاتی امراء میں چیئرمین پیپلزپارٹی بلاول بھٹو کی مسلم لیگ ن کی نائب صدر مریم نواز شریف سے ملاقات ہوئی ہے۔
جاتی امراء آمد پر مریم نواز نے بلاول بھٹو اور ان کے وفد کا استقبال کیا۔ اہم سیاسی بیٹھک میں ملکی سیاسی صورت حال اور حزب مخالف کی جماعتوں کے اتحاد پاکستان ڈیموکریٹک موومنٹ کی تحریک پر تبادلہ خیال کیا گیا۔
پیپلزپارٹی کے وفد میں سابق وزیر اعظم یوسف رضا گیلانی، مخدوم احمد محمود، قمر زمان کائرہ، چوہدری منظور اور حسن مرتضی شامل تھے جبکہ مسلم لیگ ن کا وفد احسن اقبال، پرویز رشید، رانا ثناء اللہ، سعد رفیق اور مریم اورنگزیب پر مشتمل تھا۔