کوئی ٹرانسفر کروڑوں روپے سے کم رشوت میں نہیں ہوتی
01:25 PM, 25 Mar, 2022
لاہور: (پبلک نیوز)مسلم لیگ ن کی نائب صدر مریم نواز کا سماجی رابطوں کی ویب سائٹ ٹوئٹر پر اپنے پیغام میں کہنا تھا کہ سب سکینڈلز کا باپ ہے یہ سکینڈل جس کے تانے بانے بنی گالہ سے ملتے ہیں۔ وہ ایک ٹوئٹر صارف کے تبصرے کا جواب دے رہی تھیں جس میں انہوں نے کہا تھا کہ مریم نواز نے اپنی تقریر میں فرح کی چوری کا ذکر کیا ہے۔یہ کوئی نیا سکیںڈل ہے؟???? مریم نواز کا کہنا تھا کہ صرف پوسٹنگ ٹرانسفرز کے لیے لی گئی رشوت میں 6 ارب سے زیادہ کمایا۔ آئندہ دنوں میں ہوش اڑا دینے والے ثبوت سامنے آئیں گے انشاءاللّہ۔ اس سے قبل کارکنوں سے خطاب میں مریم کا کہنا تھاکہ ’لاہور کی فرح نامی ایک خاتون ہے جس کے سارے تانے بانے بنی گالہ اور جادو ٹونے سے ملتے ہیں، کوئی پوسٹنگ، کوئی ٹرانسفر اور کوئی تبدیلی کروڑوں روپے سے کم رشوت میں نہیں ہوتی اور وہ تانے بانے سارے عمران خان کے گھر سے ملتے ہیں اور آنے والے دنوں میں ثبوتوں کی بھرمار میڈیا پر دیکھیں گے۔