سوشل میڈیا پر تلاوت قرآن کے دوران غیر اخلاقی اشتہارات پر ازخود نوٹس

گلگت (پبلک نیوز) سوشل میڈیا، یوٹیوب پر تلاوت قرآن سننے کے دوران غیر اخلاقی اشتہارات آنے کا معاملہ، گلگت کی سپریم اپیلیٹ کورٹ گلگت بلتستان نے معاملہ پر از خود نوٹس لے لیا۔تفصیلات کے مطابق سوشل میڈیا، یوٹیوب پر تلاوت قرآن سننے کے دوران غیر اخلاقی اشتہارات آنے کا معاملہ اہمیت اختیار کر گیا۔ سپریم اپیلیٹ کورٹ گلگت بلتستان نے معاملہ پراز خود نوٹس لے لیا۔ سپریم اپیلیٹ کورٹ گلگت بلتستان نے ڈائریکٹر پی ٹی اے اور ڈائریکٹر پیمرا سے تفصیلی رپورٹ طلب کرلی۔عدالت کی جانب سے غیر اخلاقی اشتہارات کو فوری بلاک کرنے کا حکم دے دیا گیا۔ سپریم اپیلٹ کورٹ نے پی ٹی اے اور پیمرا حکام کو 9 جون تک رپورٹ پیش کرنے کا حکم دیا ہے۔