گجرات (پبلک نیوز) شہر میں ایک بار پھر تعلیمی ادارے بند کرنے کا حکم دے دیا گیا۔ ڈپٹی کمشنر سیف انور جپہ کا کہنا ہے کہ کورونا وباء کے خطرہ کے پیش نظر تعلیمی ادارے تاحکم ثانی بند رہیں گے۔
کورونا وائرس کی تیسری لہر کے پیش نظر نئے احکامات جاری کرتے ہوئے ان کا کہنا تھا کہ گزشتہ روز تعلیمی سرگرمیاں بحال کرنے کے حوالے سے نوٹیفکیشن معطل کر دیا گیا ہے۔ گجرات نئے احکامات کے مطابق ضلع بھر کے تمام سکولز کل بروز منگل سے بند رہیں گے،
ڈپٹی کمشنر سیف انور جپہ کا مزید کہنا ہے کہ حکومت کے احکامات کی خلاف ورزی کرنے والوں کے خلاف قانونی کارروائی عمل میں لائی جائے گی۔ خیال رہے کہ پنجاب کے پچیس اضلاع میں پہلے ہی تعلیمی ادارے بند کرنے کا حکم دیا جا چکا ہے۔