این اے 193 ضمنی انتخاب: پولنگ کا وقت ختم ، ووٹوں کی گنتی شروع

قومی اسمبلی کے حلقہ این اے 193 راجن پور میں ضمنی انتخاب کے لیے پولنگ کا وقت ختم ہوگیا ، ووٹوں کی گنتی جاری ہے. جام پور میں قومی اسمبلی کے حلقہ این اے 193 میں ضمنی انتخاب کے لئے پولنگ صبح 8 بجے شروع ہوئی جو بلاتعطل شام 5 بجے تک جاری رہی. ضمنی انتخاب میں‌3 لاکھ 79 ہزار 204 ووٹرز اپنا حق رائے دہی استعمال کریں گے۔ پی ٹی آئی کے محسن لغاری اور ن لیگ کے عمار لغاری کے درمیان کانٹے کا جوڑ پڑے گا جبکہ پیپلزپارٹی کے اختر حسن گورچانی بھی میدان میں ہیں ۔ حلقے میں مجموعی طور پر237 پولنگ اسٹیشن قائم کئےگئے ہیں جن میں سے 68 کو حساس قرار دیا گیا ۔ کسی بھی ناخوشگوار صورتحال سے نمٹنے کےلئے 2 ہزار 650 پولیس اہلکار تعینات ہیں، رینجرز اور آرمی کے جوان بھی گشت پر مامور ہیں ۔ خیال رہے کہ یہ نشست تحریک انصاف کے سردار جعفر لغاری کے انتقال کےباعث خالی ہوئی تھی ۔