'انصاف کا قتل نا منظور' مریم نواز کا سپریم کورٹ کے فیصلے پر ردعمل

لاہور: مسلم لیگ ن کی نائب صدر مریم نواز نے سپریم کورٹ کے فیصلے پر سخت ردعمل کا اظہار کیا ہے۔ سماجی رابطے کی ویب سائٹ ٹوئٹر پر ایک ٹوئٹ میں مسلم لیگ ن کی رہنما مریم نواز نے لکھا کہ ' انصاف کا قتل نا منظور' خیال رہے کہ سپریم کورٹ آف پاکستان نے ڈپٹی اسپیکر دوست مزاری رولنگ کیس میں پرویز الٰہی کی درخواست منظور کرتے ہوئے پنجاب اسمبلی کے ڈپٹی اسپیکر دوست مزاری کی رولنگ کالعدم قراردے دی ہے۔ عدالت نے فیصلے میں پرویز الٰہی کو وزیراعلیٰ پنجاب قرار دیا اور گورنر پنجاب یا صدر مملکت کو آج رات ہی ان سے حلف لینے کا حکم دیا ہے۔