ارشد شریف قتل ، تحقیقات کیلئے اعلیٰ سطح کمیٹی تشکیل

اسلام آباد: افریقی ملک کینیا میں قتل ہونے والے معروف اینکر اور سینئر صحافی ارشد شریف کے قتل کی تحقیقات کے لیے وفاقی حکومت نے تین رکنی ہائی پروفائل کمیٹی تشکیل دے دی ہے۔ تفصیلات کے مطابق سینئر صحافی ارشد شریف کے قتل کی تحقیقات کرنے والی 3رکنی کمیٹی میں فیڈرل انویسٹی گیشن ایجنسی (ایف آئی اے)، انٹیلی جنس بیورو (آئی بی) اور انٹر سروسز انٹیلیجنس سروس (آئی ایس آئی) کے نمائندے شامل ہوں گے۔ تحقیقاتی ٹیم فوری طور پر کینیا روانہ ہوگی ، اپنی رپورٹ وزارت داخلہ کو جمع کرائے گی اور کینیا میں پاکستانی ہائی کمیشن کمیٹی کی تحقیقات میں معاونت کرے گا۔ خیال رہے کہ سینئر صحافی اور اینکر پرسن ارشد شریف کو نیروبی میں گولی مار کر قتل کردیا گیا تھا .