( پبلک نیوز) محمد شکیل خان: اولمپئین جیولین تھروور ارشد ندیم نے سوئمنگ شروع کردی ہے۔
تفصیلات کے مطابق جیولین تھرور ارشد ندیم کا ری ہیب جاری ہے، وہ روزانہ دو گھنٹے اسپورٹس بورڈ پنجاب کے انٹرنیشنل پول میں سوئمنگ کرتے ہیں ۔
واضح رہے کہ سوئمنگ ارشد ندیم کے ری ہیب کا حصہ ہے۔
اس کے علاوہ سوئمنگ کے ساتھ ارشد ندیم مختلف پول ایکسرسائزز بھی کرتے ہیں۔
خیال رہے کہ دو ہفتے قبل ارشد ندیم ٹانگ کی تکلیف کا شکار ہو گئے تھے۔انجری کی وجہ سے ارشد ندیم فن لینڈ کے ایونٹس میں حصہ نہیں لے سکے تھے۔
اس موقع پر کھلاڑی کا کہنا تھا کہ سوئمنگ میرے ری ہیب میں شامل ہے۔ میں روزانہ ورزش بھی کرتا ہوں ، پول ایکسر سائزز کی وجہ سے فائدہ ہو رہا ہے ۔ اب کافی بہتر محسوس کر رہا ہوں۔
ارشد ندیم کا مزید بتانا تھا کہ ٹانگ میں تکلیف نہیں ، تھرو بھی شروع کر رہا ہوں ، پیرس اولمپکس ہی میرا ہدف ہے ، انشاء اللہ میڈل جیتوں گا۔