غزہ میں جنگ بندی میں 2 دن کی توسیع

قطر کی وزارت خارجہ کا کہنا ہے کہ غزہ میں جنگ بندی میں دو دن کی توسیع ہوگئی ہے۔ ماجد الانصاری نے ایک بیان میں اس بات کی تصدیق کی ہے کہ " غزہ کی پٹی میں انسانی بنیادوں پر جنگ بندی میں مزید دو دن کی توسیع کے لیے ایک معاہدہ طے پا گیا ہے۔" حماس نے جنگ بندی میں دو دن کی توسیع کی تصدیق کی ہے۔ ایک پریس ریلیز میں گروپ کا کہنا ہے کہ قطر اور مصر کے ساتھ معاہدے میں انہی شرائط کے مطابق عارضی انسانی جنگ بندی میں توسیع کی گئی ہے۔