اسلام آباد (ویب ڈیسک) پاکستان کی وزارت صحت نے کورونا ویکسین سے دو سال کے اندر مرنے سے متعلق سامنے آنے والی خبروں کی تردید کر دی ہے۔
وزارت نیشنل ہیلتھ سروسز کی جانب سے اعلامیہ کیا گیا ہے۔ اعلامیہ کے مطابق نوبل انعام یافتہ سائنس دان سے منسوب خبر جعلی ہے۔ انھوں نے کبھی بھی کورونا وائرس ویکسین لگوانے سے دو سال کے اندر مرنے بارے بیان نہیں دیا۔
اعلامیہ کے مطابق کورونا وائرس کی تیار کردہ تمام ویکسینز کو مکمل تحقیق اور ٹیسٹنگ کے مراحل سے گزارا گیا۔ تمام تقاضے پورے کرنے کے بعد ویکسین عوام تک پہنچتی ہے۔ دو سال کے اندر مرنے سے متعلق تمام خبریں جعلی اور بے بنیاد ہیں۔ کسی بھی سائنسی سے تحقیق ایسا کوئی بھی دعویٰ سچ ثابت نہیں ہو سکا۔