مظفرآباد میں تحریک انصاف کو بلدیاتی الیکشن میں شکست کا سامنا

مظفر آباد: آزاد کشمیر میں31 سال بعد بلدیاتی انتخابات کا پہلامرحلہ مکمل ہو گیا ہے کہ جس میں پاکستان مسلم لیگ ن نے میدان مار لیا ہے جبکہ پاکستان تحریک انصاف (پی ٹی آئی ) کو مظفرآباد میں شکست ہو گئی ۔ تفصیلات کے مطابق آزاد کشمیر کے دارالحکومت مظفر آباد میں پاکستان تحریک انصاف کو شکست کا سامنا کرنا پڑا اور پی ٹی آئی میونسپل کارپوریشن مظفرآباد کی 36 میں سےصرف 8 نشستیں ہی جیت سکی البتہ مسلم لیگ ن 12 وارڈز کے ساتھ سر فہرست رہی ہے۔ مظفر آباد کے بلدیاتی انتخابات میں مظفر آباد کے بلدیاتی انتخابات میں پاکستان پیپلز پارٹی کو بھی 7 نشستیں ملی ہیں ،7 آزاد امیدوار بھی کامیاب ہوئے ہیں جب کہ 2 سیٹوں پر مسلم کانفرنس نے کامیابی حاصل کی ہے۔ جہلم ویلی ، نیلم اور مظفرآباد کے تین اضلاع کی یونین کونسلز کی 74 میں سے33 نشستوں پر تحریک انصاف کامیاب رہی ہے۔غیر سرکاری نتیجے کے مطابق مسلم لیگ ن 10 سیٹوں پر کامیاب رہی 5 پر آزاد امیدوار کامیاب ہوئے ، پیپلز پارٹی 23، اور مسلم کانفرنس 2 نشستیں ہی جیت سکی۔