پرویز الہیٰ کی رہائش گاہ پر پولیس آپریشن، لاہور ہائیکورٹ میں پٹیشن دائر کی جائے گی

لاہور: پاکستان تحریک انصاف کے صدر پرویز الٰہی نے اپنے گھر میں پولیس آپریشن کے خلاف عدالت سے رجوع کرنے کا فیصلہ کرلیا ہے۔ تفصیلات کے مطابق سابق وزیراعلیٰ پنجاب پرویز الٰہی کے وکیل آج ہی لاہورہائیکورٹ میں درخواستیں دائر کریں گے۔ ایڈووکیٹ عامرسعید راں نے کہا ہے کہ لاہورہائیکورٹ سے ضمانت کے باوجود گرفتاری کی کوشش توہین عدالت ہے، چادراور چار دیواری کا تقدس پامال کرنے پر توہین عدالت کی درخواستیں دائرکی جائیں گی ۔ عامر سعید نے مزید کہا کہ درخواست میں نگران وزیراعلیٰ پنجاب، اینٹی کرپشن اورپولیس کو فریق بنایا جائےگا ۔