اسلامآباد(ویبڈیسک) اسلام آباد کے علاقے بحریہ ٹاون میں افسوسناک واقعہ پیش آیا جب ایک شخص نے بلی کو پھانسی پر لٹکا دیا .
سوشل میڈیا پرایک تصویر وائرل ہورہی ہے جس میں دیکھا جا سکتا ہے کہ ایک بلی کو پھانسی پر لٹکایا ہوا ہے ، سوشل میڈیا صارفین نے اس معاملے پر غم و غصہ کا اظہار کرتے ہوئے ملزم کی گرفتاری کا مطالبہ کیا تھا جبکہ اس ملزم کے ہمسائے نے اس مسئلہ کو سوشل میڈیا پر اٹھایا تھا. خدشہ ظاہر کیا گیا تھا کہ اس گھر کا مالک کوئی نفسیاتی مریض ہو سکتا ہے. پولیس کا کہنا تھا کہ مذکورہ شخص کو گرفتار کرکے تفتیش کی جا رہی ہے.
ڈپٹی کمشنر اسلام آباد حمزہ شفقات نے ایک صارف کا جواب دیتے ہوئے بتایا کہ سفاک ملزم کو گرفتار کر لیا گیا ہے. ڈپٹی کمشنر اسلام آباد نے کہا کہ ملزم کیخلاف ایف آر آئی درج کر لی گئی.
صارفین نے اس واقعہ پر شدید غم وغصہ کا اظہار کیا ہے، ایک صارف تنزیل الرحمان کا کہنا تھا کہ جب انسان میں انسانیت ختم ہو جائے تو وہ جانوروں سے بھی بدتر ہو جاتا یے۔ اور یہ واقعہ اس کا ثبوت دے رہا ہے۔