ن لیگ میں شمولیت کی خبریں من گھڑت ہیں، فخر امام

وفاقی وزیر برائے فوڈ سکیورٹی سید فخر امام نے اپنے استعفے کی خبروں پر ردعمل کا اظہار کیا ہے۔ سوشل میڈیا پر وفاقی وزیر فخر امام کے مستعفی ہونے کی جھوٹی خبر سامنے آئی تھی اور اب اس پر انہوں نے خود ہی ردعمل کا اظہار کیا ہے۔ اپنی ٹوئٹ میں وفاقی وزیر برائے فوڈ سکیورٹی سید فخر امام کا کہنا تھاکہ سوشل میڈیا پر میرے بارے میں ن لیگ میں شمولیت اور استعفے کے حوالے سے گردش کرنے والی خبر من گھڑت، بے بنیاد اور حقائق کے منافی ہے۔ خیال رہے کہ یہ خبر ایک فیک اکاؤنٹ سے سامنے آئی تھی جو کہ تیزی سے وائرل ہوئی ہے۔ واضح رہے کہ گزشتہ روز وفاقی وزیر برائے ہاؤسنگ طارق بشیر چیمہ نے عہدے سے مستعفی ہوگئے تھے۔