وزیر اعظم سے آصف زرداری کی ملاقات، سیاسی صورتحال پر تبادلہ خیال

اسلام آباد: وزیر اعظم شہباز شریف سے آصف زرداری کی ملاقات ہوئی ہے جس میں سیاسی صورتحال پر تبادلہ خیال کیا گیا ۔ تفصیلات کے مطابق وزیراعظم شہباز شریف سے سابق صدر آصف علی زرداری نے ملاقات کی ہے، دونوں قائدین کی ملاقات وزیر اعظم ہاؤس میں ہوئی۔ قائدین نے ملک کی مجموعی سیاسی صورتحال پر تبادلہ خیال کیا ، ملاقات میں سیلاب متاثرین کی بحالی اور سردیوں کی آمد کے پیش نظر امدادی عمل کا جائزہ لیا گیا۔ دونوں قائدین نے سیلاب متاثرین کی بحالی کے عمل کو مزید تیز بنانے پر اتفاق کیا۔اس کے علاوہ دونوں قائدین نے معاشی بہتری، عوام کے ریلیف اور ترقیاتی عمل کے حوالے سے امور پر بھی گفتگو کی۔