ویب ڈیسک: مسجد اقصی کی جگہ ہیکل سلیمانی تعمیر کرنے کی تیاریاں مکمل، یہودیوں نے قربانی کے لئے مخصوص نسل کے سرخ بچھڑے مسجد اقصی پہنچا دیے۔
سماجی رابطوں کی ویب سائٹ ایکس (سابق ٹوئٹر) پر ایک ویڈیو تیزی سے وائرل ہورہا ہے۔ جس کے بارے میں دعویٰ کیا گیا ہے کہ یہ گزشتہ روز 3 گھنٹے تک لائیو جاری رہنے والی "ریڈ ہیفر کانفرنس" کا کلپ ہے۔ جس میں بتایا جارہا ہے کہ مسجد اقصیٰ کی جگہ کیسے ہیکل سلیمانی کی تعمیر مکمل کی جائے گی اور اس مقصد کیلئے خصوصی نسل کے سرخ بیل کی قربانی کہاں دی جائے گی۔
ٹوئٹر ویڈیو کے ساتھ بیان میں یہ بھی لکھا ہوا ہے کہ اگر آپ یہ جاننا چاہتے ہیں کہ سرخ بیلوں کی قربانی کب دی جائے گی تو آپ کو اس بات کا دھیان رکھنا ہوگا کہ جب آپ ایک پل کی تعمیر دیکھیں جہاں زیتون کی وادی پر پتھر کا ایک گنبد بنادے جو کہ بہت اونچا اور چوڑا ہو تو آپ کو ضرور پریشان ہونا چاہیے۔
یاد رہے کہ سرخ بچھڑوں کی قربانی محض ابتداء ہے کیونکہ انکی قربانی سے وہ اوزار پاک کیے جائیں گے جن سے ہیکل سلیمانی کی تعمیر میں استعمال ہونے والے پتھر اور لکڑی کو تراشا جائے گا۔