ورلڈکپ سے پہلےکرکٹر شاداب خان کیلئے افسوسناک خبر

آئی سی سی ورلڈکپ کے لئے بھارت میں موجود پاکستان کرکٹ ٹیم کے نائب کپتان شاداب خان کی پھوپھو کا انتقال ہوگیا ہے۔ پاکستانی کرکٹرشاداب خان نے کہا ہے کہ انہیں پھوپھو کی انتقال کی خبر ملی ہے، شاداب خان نے دعاؤں کی اپیل کرتے ہوئے کہا کہ میری پھوپو کو اپنی دعاؤں میں یادرکھنا۔ خیال رہے کہ پاکستانی ٹیم ورلڈکپ کھیلنے کے لیے بھارت میں موجود ہے اور گرین شرٹس نے گذشتہ روز پہلا وارم اپ میچ نیوزی لینڈ کے خلاف کھیلا تھا جس میں کیویز نے شاہینوں کو پانچ وکٹوں سے شکست دی تھی۔ پاکستان آئی سی سی ورلڈکپ میں اپنے سفر کا باقاعدہ آغاز 6 اکتوبر کو نیدر لینڈ کے خلاف میچ سے کرے گا ۔