ایران کے شہر کرمان میں قبرستان کے قریب 2 دھماکوں میں 73 سے زائد افراد شہید جبکہ 173 سے زائد زخمی ہوئے ہیں ۔ ایرانی کمانڈر قاسم سلیمانی بھی اسی قبرستان میں مدفون ہیں۔ ایران کے شہر کرمان میں شہید قاسم سلیمانی کی شہادت کی چوتھی برسی کے موقع پر دو دہشت گرد دھماکے ہوئے اور ابتدائی اطلاعات کے مطابق 73 سے زائد افراد ہلاک ہوگئے ہیں ۔ ایران کے شہر کرمان میں دھماکے میں73 سے زائد افراد ہلاک اور173 زخمی ہو ئے ہیں ۔ اطلاعات کے مطابق،دھماکے اس دوران ہوئے جب ایرانی سڑکوں پر اس قبرستان کی طرف مارچ کر رہے تھے جہاں سپاہ پاسداران انقلاب اسلامی کے شہید جنرل قاسم سلیمانی کو سپرد خاک کیا گیا تھا۔ ابتدائی رپورٹس کے مطابق 73 افراد کی ہلا ک ہوئے ہیں تاہم ہلاکتوں کی تعداد میں اضافے کا خدشہ ہے۔ کرمان کے گورنر کے مطابق، دو دھماکے قبرستان کی طرف جانے والی دو مختلف سڑکوں پر ہوئے، اور یہ دھماکے 10 منٹ کے فاصلے پر ہوئے۔ واضح رہے کہ ایران میں آج قاسم سلیمانی کی چوتھی برسی منائی جا رہی ہے، انہیں 3 جنوری 2020 کو عراق میں امریکی ڈرون حملے میں شہید کیا گیا تھا۔