لاہور(پبلک نیوز) پی سی بی نےعمر اکمل کو کلب کرکٹ کھیلنے کی اجازت دے دی . تفصیلا ت کے مطابق عمر اکمل کو کلب کرکٹ کھیلنے کی اجازت ان کے ری ہیب پروگرام کی ایک کڑی ہے ، پچھلے ماہ سےشروع ہونے والے ری ہیب پروگرام میں اب تک عمر نے ندامت کے اظہار کے علاوہ اینٹی کرپشن لیکچر زمیں بھی شرکت کی. پی سی بی سیکیورٹی اینڈ اینٹی کرپشن ڈیپارٹمنٹ کے سوالات کےجوابات بھی دیئے. عمر اکمل کا ری ہیب پروگرام اگلے ماہ تک مکمل ہوجائے گا. عمر اکمل اس سال ڈومیسٹک کرکٹ کھیلنے کے اہل ہوں گے.