آئندہ مالی سال میں اخراجات کا تخمینہ، پنجاب کے اداروں نے تجاویز ارسال کردیں

آئندہ مالی سال کیلئے کرنٹ اکاؤنٹ خسارے کا ہدف مقرر کردیا گیا

ویب ڈیسک: آئندہ مالی سال کرنٹ اکاؤنٹ خسارے کا ہدف 3 ارب 70 کروڑ ڈالر مقرر کیا گیا ہے۔ تجارتی خسارے کا ہدف 24 ارب 94 کروڑ ڈالر مقرر ہے۔ 

بجٹ دستاویز کے مطابق آئندہ مالی سال ملکی برآمدات کا ہدف 32 ارب 34 کروڑ ڈالر مقرر کیا گیا ہے۔ درآمدات کا ہدف 57 ارب 27 کروڑ ڈالر مقرر ہے۔ ترسیلات زر کا ہدف 30 ارب 27 کروڑ ڈالر مقرر ہے۔

دستاویز میں بتایا گیا ہے کہ آئندہ مالی سال جی ڈی پی کا ہدف 3.6 فیصد مقرر ہے۔ زرعی شعبے کی پیداوار کا ہدف 2فیصد، صنعتی شعبے کا پیداواری ہدف 4.4 فیصد، خدمات کے شعبے کا پیداواری ہدف 4.1 فیصد، بڑی صنعتوں کا پیداواری ہدف 3.5 فیصد، انوسٹمنٹ ٹو جی ڈی پی کا ہدف 14.12 فیصد مقرر کیا گیا ہے۔ 

بجٹ دستاویز میں کہا گیا ہے کہ جون 2025 تک بجلی کی پیداوار میں 1 ہزار 962 میگاواٹ اضافے کا ہدف مقرر ہے۔ جون 2025 تک بجلی کی پیداواری صلاحیت کو 43 ہزار 310 میگاواٹ تک بڑھانے کا منصوبہ ہے۔ 

بجٹ دستاویز میں بتایا گیا ہے کہ جون 2025 تک سولر سے بجلی کی پیداوار 782 میگاواٹ ہو جائے گی۔ آئندہ سال ہوا سے بجلی کی پیداوار 1 ہزار 845 میگاواٹ ہو جائے گی۔ آئندہ سال پانی سے بجلی کی پیداوار 11 ہزار 820 میگاواٹ ہو جائے گی۔

ہائیڈرل بجلی کی پیداوار میں آئندہ سال 1 ہزار 1 سو میگاواٹ کا اضافہ ہوگا۔ آئندہ سال ایل این جی سے بجلی کی پیداواری صلاحیت 8 ہزار 125 میگاواٹ ہو جائے گی۔ آئندہ سال تیل سے بجلی کی پیداواری صلاحیت 4 ہزار 906 میگاواٹ تک ہو جائے گی۔

ہائیرایجوکیشن ڈیپارٹمنٹ نے لیپ ٹاپ اسکیم پس پشت ڈال دی

ویب ڈیسک: (دانش منیر) ہائیر ایجوکیشن ڈیپارٹمنٹ نے آئندہ مالی سال میں 6 ارب 25 کروڑ 52 لاکھ روپے مانگ لیے۔ یونیورسٹیز اور سب کیمپسز کیلئے 2 ارب 97 کروڑ 28 لاکھ روپے مختص کرنے کی سفارش کی گئی ہے۔

ہائیر ایجوکیشن ڈیپارٹمنٹ میں سہولیات کی فراہمی کیلئے ایک ارب 42 کروڑ مختص کرنے کی تجویز دی گئی ہے۔

ہائیر ایجوکیشن ڈیپارٹمنٹ کی جاری ترقیاتی اسکیموں کیلئے 71 کروڑ روپے مختص کرنے کی سفارش کی گئی ہے۔

پنجاب بھر کے تعلیمی بورڈز کی سٹینڈرڈائزیشن کیلئے 3 کروڑ روپے اور پنجاب کے کالجز میں نان ٹیچنگ سٹاف کی بائیو میٹرک حاضری کیلئے 40 کروڑ روپے مختص کرنے کی تجویز دی گئی ہے۔

پنجاب میں لیپ ٹاپس کی فراہمی کیلئے صرف 50 لاکھ روپے مختص کرنے کی تجویز دی گئی ہے جبکہ یہ پورا منصوبہ 10 ارب روپے کا ہے۔ 

برکی روڈ پر انفارمیشن ٹیکنالوجی یونیورسٹی کے مین کیمپس کی تعمیر کیلئے 15 کروڑ روپے مانگے گئے ہیں۔ پنجاب میں 4 یونیورسٹیز کے سب  کیمپسز کے قیام اور 4 خودمختار یونیورسٹیز کے قیام کیلئے 2 ارب روپے مختص کرنے کی تجویز دی گئی ہے۔ پنجاب میں کالجز کی چار دیواری، سیکیورٹی کیمروں کی تنصیب کیلئے 15 کروڑ روپے مانگے گئے ہیں۔

پنجاب میں کامرس کالجز کیلئے 40 کروڑ روپے مختص کرنے کی تجویز دی گئی ہے۔ پنجاب کے سرکاری کالجز میں سہولیات کی فراہمی کیلئے بھی 40 کروڑ اور آئی ٹی لیبز کیلئے بھی 40 کروڑ روپے مختص کرنے کی سفارش کی گئی ہے۔ 

اقتصادی سروے 2023-24: گاڑیوں کی مینوفیکچرنگ میں بڑی کمی ریکارڈ

ویب ڈیسک: اقتصادی سروے 24-2023 کی دستاویز کے مطابق رواں مالی سال کے دوران گاڑیوں کی مینوفیکچرنک میں بڑی کمی ریکارڈ کی گئی ہے۔

اقتصادی سروے میں بتایا گیا ہے کہ جولائی تا مارچ کے دوران ملک میں کار مینوفیکچرنگ میں 36 اعشاریہ 6 فیصد کی کمی ہوئی ہے جبکہ بسوں کی مینوفیکچرنگ میں 51 فیصد کی کمی ہوئی۔ اس کے علاوہ ٹرکوں کی مینوفیکچرنگ میں 27 فیصد گراوٹ آئی۔

اقتصادی سروے کے مطابق مشینری اور آلات میں سب سے زیادہ 61.5 فیصد اضافہ ریکارڈ کیا گیا۔

اس کے بعد فارماسیوٹیکل 23.2 فیصد، فرنیچر 23.1 فیصد جبکہ لکڑی کی مصنوعات 12.1 فیصد کا اضافہ دیکھنے میں آیا ہے۔

کیمیکل انڈسٹری 8.0 فیصد، ملبوسات 5.4 فیصد، چمڑے کی مصنوعات 5.3 فیصد، کوک اور پیٹرولیم مصنوعات 4.9 فیصد، ربڑ کی مصنوعات 3.6 فیصد اور خوراک کے شعبے میں 1.7 فیصد کی نمو ہوئی ہے۔

کان کنی اور کھدائی کے شعبے میں مالی سال 2024 کے دوران 4.9 فیصد کی نمو ریکارڈ ہوئی جو گذشتہ سال 3.3 فیصد تھی۔

اعداد و شمار کے مطابق جولائی تا مارچ کے دوران بڑی صنعتوں میں 0.1 فیصد کی کمی واقع ہوئی ہے۔ جبکہ گزشتہ سال یہ کمی 7.0 فیصد ریکارڈ کی گئی تھی۔