اسلام آباد: پاکستانی کھلاڑیوں کے نام عالمی سکریبل چیمپئن شپ کیلئے فائنل کر لیے گئے ہیں، ایونٹ میں پاکستان کے 6 کھلاڑی شرکت کریں گے۔ تفصیلات کے مطابق عالمی سکریبل چیمپئن شپ کے لئے پاکستانی کھلاڑیوں کے نام فائنل کر لیے گئے ہیں ، ایونٹ میں پاکستان کے 6 کھلاڑی شریک ہوں گے۔ امریکہ میں ہونے والی عالمی سکریبل چیمپئن شپ میں پاکستان ٹیم کی سربراہی طارق پرویز کریں گے جب کہ دیگر کھلاڑیوں میں حسان ہادی خان، حماد ہادی خان، وسیم کھتری، عنایت اللہ، اور حشام ہادی خان شامل ہیں۔ ویزا مسائل کی وجہ سے پاکستان کو اپنا دستہ چھوٹا کرنا پڑا ہے، پاکستان سکریبل ایسوسی ایشن نے ایونٹ کیلئے صرف 6 کھلاڑیوں کے نام ہی فائنل کیے ہیں۔ عالمی سکریبل چیمپئن شپ 22 سے 25 جولائی تک امریکی شہر لاس ویگاس میں ہو گی جس میں دنیا بھر سے 300 سے زائد کھلاڑی شریک ہوں گے۔