وفاقی حکومت کا گورنر کے پی کی ایڈوائزری کونسل کی تشکیل کا فیصلہ

سہیل آفریدی ہم سے چھپ کر ملتے تھے، تصویر بھی لینے سے گھبراتے تھے، وفاقی وزیر داخلہ محسن نقوی

(ویب ڈیسک) وفاقی وزیر داخلہ محسن نقوی کا کہنا ہے کہ سہیل آفریدی ہم سے چھپ کر ملتے تھے، تصویر بھی لینے سے گھبراتے تھے۔سہیل آفریدی سے ملاقاتوں میں صرف دہشتگردی پر بات ہوئی، کوئی سیاسی گفتگو نہیں ہوئی۔

وفاقی وزیر داخلہ محسن نقوی  نے کہا کہ آج کا دن آسان دن نہیں تھا بلکہ 1 ماہ سے زائد کوشش تھی کہ کسی نہ کسی طریقے کے پی حکومت کو آن بورڈ لیں ,ذاتی طور پر صوبائی حکومت کیساتھ بیک ڈور رابطوں میں تھا ,دہشت گردی کی لڑائی کو مل کر لڑا جاسکے یہی کاوش تھی ,ان کے لانگ مارچ سے پہلے ملاقاتیں، علاج سب کچھ پہلے سے ہی ہورہا تھا ,ان کے اپنے لوگوں کو بھی حیرانی تھی کہ لانگ مارچ کا کیون اعلان کیا گیا .

انہوں نے کہا کہ 17 ستمبر کو وزیراعظم نے نیویارک کیلئے نکلنا تھا اور 15 یا 16 اپوزیشن لیڈرز سے ملنا تھا ،13 اور 14 ستمبر تک کوئی کنفرمیشن اپوزیشن نے نہیں دی،اس کے بعد پھر مسلسل رابطہ رہا اور اس کے بعد پھر صدر مملکت سے ملاقات میں کمیٹی بنی ،پہلے دن جو ملاقات ہوئی اس میں واضح کیا گیا دہشت گردی کے خلاف متفق ہیں ،یہ خود اسد قیصر نے کہا، میں نے ان سے کہا کہ کے پی حکومت کو آن بورڈ لیں ،اپوزیشن کے مطالبے پر اجلاس کو اگلے دن تک ملتوی کیا گیا اور پھر اگلے روز چار بار ڈرافٹ تبدیل کیا گیا ،چوتھی بار ان کے مطالبے پر ڈرافٹ تبدیل کیا مگر پھر ایک کیا ڈرافٹ آگیا ۔

محسن نقوی نے کہا کہ کل رات پونے 12 بجے تک ان کیساتھ رابطے میں رہا، اس وقت بھی کہا کہ آپ بتائیں کونسی تبدیلی کرنی ہے ،انہوں نے ایک پیرا گراف میں تبدیلی کرانی تھی مگر ہم انتظار کرتے رہے کوئی جواب نہ آیا ،رات پھر ان سے بات کی کہ آپ جواب دیں تو ہم اس معاملے کا کوئی حل نکالیں گے اور تھوڑی اور تاخیر کرینگے ،مگر افسوس انہوں نے کوئی جواب نہ دیا، مولانا فضل الرحمان نے بھی کاوش کی ،وزیراعظم میاں شہباز شریف اور مولانا فضل الرحمان ملاقاتوں کے علاوہ رابطہ رہا ،بارہا کہا کہ آپ کے دھرنے لانگ مارچ سے کوئی ایشو نہیں آجائیں مگر دہشت گردی کے حوالے سے جواب دیں ۔

انہوں نے کہا کہ پیپلز پارٹی کا موقف تھا کوئی لانگ مارچ نہیں آنا چاہیئے ،جتنے رابطے اپوزیشن کیساتھ ہوئے وہ سب ہم نے خود کئے انہوں نے رابطے نہیں کئے،ان کیساتھ کیا طے نہیں پایا کہ پانچ اضلاع میں پولیس کو بااختیار کریں اور فوج اور ایف سی کو وہان سے واپس بلائیں،پھر اگلے چھ ماہ میں دیگر پانچ اضلاع میں یہ اقدام اٹھائیں ،12 اضلاع میں ایمرجنسی کے حوالے سے خود کے پی حکومت نے اتفاق رائے کیا تھا،مگر افسوس بیک ڈور رابطوں کے باوجود ہمارے ساتھ کے پی حکومت کھڑی نہیں ہوئی ،ایسا نہیں ہوسکتا کہ وفاق کی خارجہ پالیسی اور ہو اور صوبے کی الگ ،طالبان کیساتھ ان کے تعلقات کسی سے ڈھکے چھپے نہیں ہیں ،یہاں سے 5 لوگ نہیں جاسکتے اور وہ ان علاقوں سے جلوس نکال رہے ہیں تو کیسے ؟؟،حقیقت میں یہ صورتحال ہے کہ وہاں حالات درست نہیں۔

آئین 232 اور 234 کے تحت ایمرجنسی کا نفاذ کا اعلان کیا گیا ہے ،وزیر قانون اعظم نذیر تارڑ 

وزیر قانون اعظم نذیر تارڑ  نے کہا کہ  خیبرپختونخوا سے گورنر نے ایک خط کے ذریعے تشویشناک صورتحال بارے آگاہ کیا ،گزشتہ اڑھائی سال میں 196 فیصد دہشت گردی کے واقعات میں اضافہ ہوا ،شہادتیں، زخمی، تنصیبات اور گاڑیوں کی تباہی کی تفصیلات الگ ہیں ،افواج پاکستان، کے پی پولیس، دینی رہنماؤں اور عام افراد ان دہشت گردوں کا نشانہ بنے ۔

انہوں نے کہا کہ ایسی صورت حال میں آئین کے دائرہ میں رہتے ہوئے فیصلہ کیا گیا ،اگر کسی بیرونی حملے کا خطرہ ہو یا اندرونی مسئلہ ہو تو 232 کا اختیار استعمال ہوتا ہے ،خیبرپختونخوا میں یہ دونوں خطرات بڑھ چکے تھے ،آئین 232 اور 234 کے تحت ایمرجنسی کا نفاذ کا اعلان کیا گیا ہے ،دونوں ریکوائرمنٹس ایسی تھیں ان کے نفاذ کا اعلان کیا گیا ۔

اعظم نذیر تارڑ نے کہا کہ سڈنی نے ایک رپورٹ جاری کی کہ پاکستان دہشت گردی سے سب سے زیادہ متاثر ملک ہے ،ایک گیارہ رکنی کونسل بھی تجویز دی گئی ہے تاکہ وہ بہتر کام کرسکے ،بارہ دیگر اضلاع کیلئے ایک سیکرٹریٹ قائم کیا گیا ہے جو براہ وفاق کو جوابدہ ہوگا ،آرٹیکل 245 کے تحت صوبائی حکومت کو افواج پاکستان کو متعین کرنے کا اختیار دیا گیا ہے ،دہشت گردی کے خلاف کارروائیوں میں پہلے ہی افواج پاکستان وہاں متعین ہے ،آئین کے آرٹیکل 232 اور 234 قومی اسمبلی، سینیٹ سے منظوری لی جائیگی پھر مشترکہ اجلاس بھی بلایا جائیگا۔

پی ٹی آئی کی صوبائی حکومت کا دہشتگردوں سے مکروہ اتحاد تھا ، وزیر اطلاعات عطاء تارڑ

وفاقی وزیر اطلاعات عطاء تارڑ نے کہا کہ پی ٹی آئی کی صوبائی حکومت کا دہشتگردوں سے مکروہ اتحاد تھا ،ان کا سیکیور ایکسس اسی وجہ سے انہیں حاصل تھا ،کیا وجہ ہے کہ آپ نے تھانے تک طالبان کو سبلٹ کر دیئے،خود دہشت گردی سے متاثرہ لوگ صوبائی حکومت سے تنگ تھے ،کیونکہ پی ٹی آئی نے دہشت گردوں کو شراکت دار بنا لیا تھا ،جو بھتہ نہ دے اس کو شہید کردو، انہوں نے دہشت گردوں کے حوالے اضلاع کردیئے ،یہ دہشت گردوں کو پولیس فورس میں بھی شامل کرانا چاہتے تھے اس کے ناقابل تردید ثبوت تھے۔

انہوں نے کہا کہ  گورنر کے نیچے ایڈوائزری کونسل بنا دیا گیا ،طارق محمود پاشا صوبے میں خزانہ کے معاملات دیکھیں گے ،عامر جاوید قانونی معاملات دیکھیں گے ،عامر عبداللہ ایجوکیشن کے معاملات دیکھیں گے ،نگار جوہر صحت کے شعبے میں فرائض انجام دیں گی ،ڈاکٹر سرفراز علی شاہ مائنز اینڈ منرلز کے معاملات دیکھیں گے ،ڈاکٹر ارشاد انڈسٹریز اینڈ کامرس کے معاملات دیکھیں گے ،آصف رفیق کمیونیکیشن اینڈ ورکس کے شعبے کے ذمہ دار ہوں گے ،مولانا طیب قریشی مذہبی معاملات دیکھیں گے ،ثمر ہارون بلور اطلاعات و نشریات کے معاملات دیکھیں گے  اورعثمان سیف اللہ توانائی کے معاملات کے ذمہ دار ہوں گے۔

امن و امان خراب کرنے ،قانون ہاتھ میں لینے والوں کے خلاف سخت قانونی کارروائی ہوگی، گورنر خیبرپختونخوا

(ویب ڈیسک) گورنر خیبرپختونخوا فیصل کریم کنڈی کا کہنا ہے کہ : خیبرپختونخوا کے عوام امن پسند ہیں، دہشت گردی اور پُرتشدد کارروائیوں کی حمایت نہیں کرتے، عوام قانون شکنی، اشتعال انگیزی اور دنگا فساد سے مکمل اجتناب کریں۔

گورنر خیبرپختونخوا  نے صوبے کے عوام کے نام اہم پیغام میں کہا کہ خیبرپختونخوا کے عوام صدارتی پروکلیمیشن کا خیرمقدم کرتے ہیں،صوبے کے عوام امن، استحکام، ترقی اور خوشحالی کے خواہاں ہیں، عوام نے فیصلہ کرلیا، اب فتنہ الخوارج کا ساتھ نہیں دیں گے،عوام سکیورٹی اداروں کے شانہ بشانہ دہشت گردی کے خلاف آخری دم تک لڑیں گے۔

انہوں نے کہا کہ صوبے کے عوام انتشار اور بدامنی کے بجائے پُرامن اور خوشحال مستقبل چاہتے ہیں،خیبرپختونخوا کے عوام دیگر صوبوں کے ساتھ برادرانہ تعلقات اور تعاون کے خواہاں ہیں،مشترکہ کوششوں اور باہمی تجربات سے صوبے میں ترقی و خوشحالی کو فروغ دینا چاہتے ہیں،عوام جمہوری اقدار کا فروغ اور ترقی کے ثمرات عام شہری تک پہنچانے کے خواہاں ہیں۔

 گورنر خیبرپختونخوا نے کہا کہ خیبرپختونخوا کے عوام امن پسند ہیں، دہشت گردی اور پُرتشدد کارروائیوں کی حمایت نہیں کرتے،عوام قانون شکنی، اشتعال انگیزی اور دنگا فساد سے مکمل اجتناب کریں،امن و امان خراب کرنے اور قانون ہاتھ میں لینے والوں کے خلاف سخت قانونی کارروائی ہوگی۔

 ڈاکٹر محمد فخر عالم عرفان کو چیف سیکریٹری خیبر پختونخوا تعینات کر دیا گیا

(ویب ڈیسک ) ‏ڈاکٹر محمد فخر عالم عرفان پاکستان ایڈمنسٹریٹو سروس کے گریڈ 22 کے افسر ہیں۔ نئے چیف سیکریٹری کی تقرری کا باقاعدہ نوٹیفکیشن جاری کر دیا ہے۔

پاکستان ایڈمنسٹریٹو سروس (PAS) کے گریڈ 22 کے سینئر افسر ڈاکٹر محمد فخر عالم عرفان کو باضابطہ طور پر چیف سیکریٹری خیبر پختونخوا تعینات کیا گیا ہے۔

ڈاکٹر محمد فخر عالم عرفان اس نئی تعیناتی سے قبل وفاقی حکومت میں وزارتِ توانائی کے پاور ڈویژن میں بطور وفاقی سیکریٹری اپنی خدمات سرانجام دے رہے تھے۔

جاری کردہ نوٹیفکیشن کے مطابق ڈاکٹر محمد فخر عالم عرفان کی بطور چیف سیکریٹری خیبر پختونخوا تعیناتی فوری طور پر نافذ العمل ہو گی۔

اعلامیے میں واضح کیا گیا ہے کہ ان کی یہ تعیناتی تاحکمِ ثانی برقرار رہے گی۔

خیبرپختونخوا میں ایمرجنسی نافذ، صدر مملکت نے سمری پر دستخط کردیے

(ویب ڈیسک)خیبرپختونخوا میں ایمرجنسی نافذ کردی گئی ، صدر مملکت آصف زرداری  نے سمری پر دستخط کردیے۔

خیبر پختونخوا میں دہشت گردی کے بڑھتے واقعات اور امن و امان کی سنگین صورتحال کے پیش نظر ایمرجنسی کا اعلان کردیا گیا۔
اعلامیے میں کہا گیا ہے کہ دہشت گردی کے واقعات میں غیر معمولی شدت سے عوام کی جان و مال کو سنگین خطرات لاحق ہیں،سرکاری تنصیبات، بنیادی ڈھانچے اور قانون نافذ کرنے والے اداروں پر دہشت گرد حملوں میں اضافہ ہوا ہے، صوبائی حکومت دہشت گردی اور لاقانونیت کے مؤثر تدارک کے لیے مطلوبہ عزم اور اقدامات کا مظاہرہ کرنے میں ناکام رہی۔
اعلامیے کے مطابق گورنر خیبر پختونخوا کی رپورٹ میں صوبے میں آئینی نظام کے تعطل اور صوبائی حکومت کے آئین کے مطابق کام نہ کر سکنے کی نشاندہی۔صدر مملکت آصف علی زرداری نے خیبر پختونخوا میں سنگین ایمرجنسی کی صورتحال کے پیش نظر فوری آئینی اقدام ضروری قرار دیا۔
اعلامیے میں کہا گیا ہے کہ صدارتی اعلان آئین کے آرٹیکل 232(1) اور آرٹیکل 234(1) کے تحت جاری کیا گیا۔
ایمرجنسی کے نفاذ کے ساتھ اعلان کیا گیا ہے کہ صوبائی حکومت موجودہ حالات میں آئین کے مطابق نہیں چلائی جا سکتی۔وفاقی حکومت گورنر خیبر پختونخوا کو صوبائی حکومت کے تمام یا بعض امور اپنے اختیار میں لینے کی ہدایت دے سکے گی ۔
اعلامیے کے مطابق گورنر خیبر پختونخوا وفاقی حکومت کی جانب سے تفویض کردہ صوبائی حکومتی امور انجام دے سکیں گے ۔ صوبائی اسمبلی کے علاوہ صوبے کے دیگر اداروں اور حکام کے تمام یا بعض اختیارات وفاقی حکومت کی ہدایت پر گورنر استعمال کر سکیں گے ۔خیبر پختونخوا اسمبلی کے اختیارات پارلیمان یا اس کے اختیار کے تحت استعمال کیے جائیں گے ۔وزیراعلیٰ، صوبائی وزراء، مشیران، معاونینِ خصوصی اور ایڈووکیٹ جنرل اپنے عہدے فوری طور پر چھوڑ دیں گے ۔صدارتی اعلان فوری طور پر نافذ العمل ہوگا۔