لاہور بورڈ نے سیکنڈری اسکول کے سالانہ امتحان 2022 کے پریکٹیکل امتحانات کے دوبارہ انعقاد کا اعلان کردیا۔ ترجمان لاہور بورڈ کے مطابق وہ امیدوار جو ناگزیر وجوہات کی وجہ سے پریکٹیکل امتحانات نہیں دے سکے تھے وہ اب دوبارہ امتحان دے سکتے ہیں۔ لاہور بورڈ کی جانب سے جاری اعلامیے میں کہا گیا ہے کہ ایسے امیدوار درخواستیں 18 اگست تک لاہور بورڈ کی پریکٹیکل برانچ میں جمع کرا سکتے ہیں۔ لاہور بورڈ کے ترجمان کے مطابق ان امیدواران کو رول نمبر سلیپس مورخہ 20 اگست کو جاری کی جائے گی جبکہ پریکٹیکل امتحان 22 اگست کو لیا جائے گا۔