الیکشن کمشنر سندھ نے نتائج میں تاخیر کی وجہ بتلا دی

الیکشن کمشنر سندھ اعجاز انور چوہان نے نتائج آنے میں تاخیر کی وجہ بتاتے ہوئے کہا کہ تمام پولنگ اسٹیشنز سے نتائج آر اوز کے دفتر پہنچ رہے ہیں، یہ ایک گھمبیر پراسس ہوتا ہے، ایک یوسی کا رزلٹ بنانے میں وقت لگتا ہے۔ صوبائی الیکشن کمشنر سندھ اعجاز انور چوہان کا کہنا ہے کہ ہر یو سی کے 4 وارڈز ہیں اور اوسط 20 پولنگ اسٹیشنز ہیں ۔ان کا کہنا تھا کہ ایک بھی پولنگ اسٹیشن کا نتیجہ نہ آئے تو یو سی کا نتیجہ مکمل ہی نہیں ہوتا ، ہر آر او کے پاس تقریباً 5 یوسیز ہیں جا وجہ سے نتائج میں وقت لگ رہا ہے ۔ اعجاز انور چوہان کا مزید کہنا تھا کہ نتائج مینوئل بن رہے ہیں ، ان انتخابات میں آر ٹی ایس سسٹم نہیں ہے ۔