ٹائم میگزین کی 100بااثر افراد کی تازہ فہرست، ملا برادر بھی شامل

ویب ڈیسک: ٹائم میگزین کی جانب سے 2021 کی 100 با اثر شخصیات کی فہرست جاری کر دی گئی ہے۔ اس جاری کردہ تازہ ترین فہرست میں افغانستان کے نائب وزیراعظم ملا عبدالغنی برادر کا نام بھی شامل کیا گیا ہے۔ امریکی جریدہ ہر سال 100 ایسی شخصیات کی فہرست جاری کرتا ہے جن سے لوگ سب سے زیادہ متاثر ہوتے ہیں۔ رواں برس کی فہرست میں سیاست دانوں، فنکاروں اور کھلاڑیوں سمیت مختلف شعبہ ہائے زندگی سے تعلق رکھنے والی شخصایت کو شامل کیا گیا ہے۔

Ahmed Rashid: "A quiet, secretive man who rarely gives public statements or interviews, Baradar nonetheless represents a more moderate current within the Taliban, the one that will be thrust into the limelight to win Western support" #TIME100 https://t.co/YC6MfwgS56

— TIME (@TIME) September 16, 2021

اس فہرست میں امارات اسلامی افغانستان کے نائب امیر ملا عبدالغنی برادر کا نام بھی شامل کیا گیا۔ انھوں نے امریکہ سے افغان طالبان کے امن معاہدہ پر دستخط بھی کیے تھے۔ ملاعبدالغنی طالبان کے بانی ملا عمر کے ساتھی بھی رہے۔

Introducing the 2021 #TIME100 featuring the 100 most influential people of the year https://t.co/NEApPrOrN0

— TIME (@TIME) September 15, 2021

ان کے علاوہ اس فہرست میں شہزادہ ہیری، ان کی اہلیہ میگھا مرکل، ایپل کے سی ای او ٹم کک، برطانوی اداکارہ کیٹ ونسلیٹ، چینی صدر شی جن پنگ، امریکی صدر جوبائیڈن، نائب صدر کمالا ہیرس، سابق امریکی صدر ڈونلڈ ٹرمپ، اسرائیلی وزیر اعظم نفتالی بینیٹ، بھارتی وزیر اعظم نریندر مودی، ایرانی صدر ابراہیم رئیسی، بنگال کی وزیر اعلیٰ ممتا بینر جی، ٹیسلا کے سی ای او ایلان مسک اور دیگر شامل ہیں۔