کشمور : میڈل اسکول اور ہائر سیکنڈری سکول میں نویں جماعت کا پیپر سماجی رابطے کی ویب سائٹ واٹس اپ پر آئوٹ ہوگیا ۔ تفصیلات کے مطابق کشمورمیں لاڑکانہ بورڈ کے زیر اہتمام ہونے والے بائیولاجی کا پیپر آئوٹ ہوگیا، اور طلباء موبائل فون کے ذریعے پیپر کی نقل کرنے میں مصروف نظر آئے ۔ لاڑکانہ تعلیمی بورڈ بوٹی مافیہ کو روکنے میں ناکام دکھائی دے رہی ہے ،نویں جماعت کا بائیولاجی کا پرچہ واٹس ایپ گروپوں میں دستیاب اور طلباء بلا خوف کلاس روم کے اندر موبائل کا استعمال کرکے پرچہ حل کرتے رہے ۔ خیال رہے کہ نقل کی روک تھام کے لیے مختلف بنائی گئی ٹیمیں بھی ناکام نظر آئیں۔