سرینا ہوٹل سےمتعلق جھوٹ ارنب گوسوامی کو مہنگا پڑ گیا

سرینا ہوٹل سےمتعلق جھوٹ ارنب گوسوامی کو مہنگا پڑ گیا

لاہور(ویب ڈیسک) سرینا ہوٹل سے متعلق جھوٹ بولنا بھارتی اینکر ارنب گوسوامی کو مہنگا پڑ گیا . سوشل میڈیا صارفین نے ٹاپ ٹرینڈ بنا ڈالا.

تفصیلات کے مطابق بھارتی اینکر ارنب گوسوامی نے ایک پروگرام کے دوران کہا کہ میرے انٹیلی جنس ذرائع نے مجھے بتایا ہے کہ کابل سرینا ہوٹل کے پانچویں فلور پر آئی ایس آئی اور پاکستان فوج کے لوگ رہ رہے اگر کہو تو میں یہ بھی بتا سکتا ہوں انہوں نے کیا آڈر کیا جس پر پاکستانی تجزیہ کار عبدالصمد یعقوب نے وضاحت دیتے ہوئے کہا ارنب میں نے چیک کیا کابل سرینا میں تو پانچواں فلور ہی نہیں ہے، اس کے صرف دو فلورز ہیں.

واضح رہے کہ ارنب گوسوامی اس سے قبل بھی جھوٹی خبروں کے حوالے سے تنقید کا نشانہ بنتے رہے ہیں. سوشل میڈیا صارفین نے اس بار بھی بھارتی اینکر کو آڑے ہاتھوں لیا. اس حوالے سے ٹوئٹر پر #ArnabGoswami ٹرینڈ کر رہا ہے.

شاداب پیرزادہ نامی صارف نے سرینا ہوٹل کی تصویر شیئر کرتے ہوئے لکھا کہ ’یہ بالی وڈ کی فلمیں دیکھنے کے اثرات ہیں۔ آئی ایس آئی نے کابل میں سرینا ہوٹل کے دو نہ نظر آنے والے فلورز بنا لیے جو صرف ارنب گوسوامی دیکھ سکتے ہیں۔‘

محمد عبداللہ نامی صارف نے کہا دماغ سے خالی یہ بد مست ہاتھی کی طرح چیختا چنگھاڑتا ارنب گوسوامی ہے جس نے اپنے ٹاک شو میں جھوٹا دعویٰ کیا کہ سیرینا ہوٹل کابل کی پانچویں منزل پر پاکستانی خفیہ ادارے کے لوگ موجود ہیں جب کہ حقیقت میں سیرینا ہوٹل کابل کی محض 2 منزلیں ہیں!!

انعم شیخ کا کہنا تھا کہ ارنب گوسوامی کو انٹیلیجنس سورسز کی نہیں ایک اچھے ریسرچر کی ضرورت ہے۔ارنب کے پاس common sense بھی موجود نہیں بالکل ایسے ہی جیسے سرینا ہوٹل کابل میں پانچویں منزل موجود نہیں

شیئر کریں:

حسان عبداللہ

مصنّف پنجاب یونیورسٹی کے شعبہ ابلاغیات سے فارغ التحصیل ہیں اور دنیا نیوز اور نیادور میڈیا سے بطور اردو کانٹینٹ کریٹر منسلک رہے ہیں، حال ہی میں پبلک نیوز سے وابستہ ہوئے ہیں۔

مزید خبریں

متعلقہ خبریں