ٹوئٹر نے نیا لوگو متعارف کرادیا، نام بھی ایکس کر دیا گیا

معروف سماجی رابطے کی ویب سائٹ ٹوئٹر نے مشہور برڈ لوگو(logo ) کے متبادل نیا لوگو متعارف کرادیا ہے جبکہ ٹوئٹر کا نام بھی ایکس کر دیا گیا ہے۔ ٹوئٹر کی چیف ایگزیکٹو (سی ای او )لینڈا یاکارینو نے ٹوئٹر کے نئے لوگو کی ایک تصویر ایک ٹوئٹ میں شیئر کی۔جس میں دیکھا جا سکتا ہے کہ ٹوئٹر کے نئے لوگو میں ایکس لکھا نظر آ رہا ہے۔

X is here! Let’s do this. pic.twitter.com/1VqEPlLchj

— Linda Yaccarino (@lindayacc) July 24, 2023

ادھر ایلون مسک نے بھی اپنی ٹوئٹر پروفائل امیج کو اس لوگو سے تبدیل کردیا ہے جبکہ ٹوئٹر بائیو میں ایکس ڈاٹ کام کا اضافہ کر دیا گیا ہےجبکہ ٹوئٹر کا نام بھی ایکس کر دیا گیا ہے۔ خیال رہے کہ یہ اکتوبر 2022 میں ایلون مسک کی ملکیت میں جانے کے بعد ٹوئٹر کی سب سے بڑی تبدیلی ہے۔ یاد رہے کہ 23 جولائی کو ایلون مسک کی جانب سے یہ کہا گیا تھا کہ بہت جلد ہم ٹوئٹر برانڈ اور تمام پرندوں کو خیرباد کہہ دیں گے، اگر ایکس لوگو اچھا ہوا تو وہ آج شب پوسٹ کیا جائے گا اور اسے 24 جولائی کو لائیو کر دیا جائے گا۔