کراچی میں نیب کی بڑی کارروائی، کرپشن کا خزانہ مل گیا

نیب راولپنڈی نے کراچی میں بڑی کارروائی کرتے ہوئے سابق میونسپل کمشنر کورنگی مسرور میمن کو دو ساتھیوں کیساتھ گرفتار کرکے ان کے پاس سے قارون کا خزانہ برآمد کرلیا۔ گرفتار شدگان میں اکاؤنٹ آفیسر وکاش اور آڈٹ آفیسر دھرم ویر شامل ہیں۔ ملزمان سے سونے کی اینٹیں ، سونے کے بٹن ، ڈالرز، درہم اور ریال بھی برآمد ہوئے۔ اس آپریشن میں کئی ملین کی ٹی ٹی کی رسیدیں بھی نیب کے ہاتھ لگ گئیں۔ برآمد کی گئی رقم کو گننے کیلیے نیب کو مشینوں کا استعمال کرنا پڑا۔ نیب کے مطابق ملزمان نے کورنگی میونسپل کارپوریشن کیلیے آئل کی خریداری اور دیگر امور میں کرپشن کی۔ رشوت لیکر ٹھیکے دیے جاتے، کم آئل لیکر زیادہ کی رسیدیں کاٹی جاتیں۔ کرپشن سے حاصل کردہ رقوم جعلی اکاؤنٹس میں ڈالی گئیں اور بیرون ملک بھی منتقل ہوئیں۔ قائد حزب اختلاف سندھ اسمبلی حلیم عادل شیخ نے معاملے پر تبصرہ کرتے ہوئے کہا کہ یہ افسر تو معمولی سی بات ہے اصل تو وزراء اور چیئرمین صاحب ہیں جن کا کچن بھی ان کرپشن کے پیسوں سے چلتا ہے نیب اور دیگر اداروں کو چاہیے کہ وہ ان بڑے ???? کو بھی لغام ڈالیں...

یہ افسر تو معمولی سی بات ہے اصل تو وزراء اور چیئرمین صاحب ہیں جن کا کچن بھی ان کرپشن کے پیسوں سے چلتا ہے نیب اور دیگر اداروں کو چاہیے کہ وہ ان بڑے ???? کو بھی لغام ڈالیں https://t.co/VsdTnBXFzE

— Haleem Adil Sheikh (@HaleemAdil) January 25, 2022